Dr H Lallungmuana hi Lalkhawsiama (late) fapa a ni a, kum 1944 January ni 9 khan Biate khuaah a piang a, kum 1973 October ni 18 khan K Kawlramthangi nena inneiin tunah hian fapa pathum leh fanu pahnih an nei a, Salem Veng Aizawlah an cheng mek.
Thiamna lamah chuan MA Ph.D a ni a, St Anthony’s College, Shillong leh North- Eastern Hill University, Shillong (Meghalaya), Gauhati University, Gauhati (Assam)-ahte a lo zir tawh thin a, political leh social worker a ni a, a lawina Salem veng Presbyterian Kohhran Upa a ni bawk.
Mizoram Civil Service (MCS) ah a inziak tling a, mahse a zawm ta lo a, ama tuina ber zirtirtu hna tlangin kum 1974 atangin Pachhunga University College-ah lecturer hna a zawm ta zawk a. Pu Muana hi zirtirtu hlawhtling tak a ni a, Pachhunga University College zirlai zawng zawngin an hmelhriat leh an ngainat a ni a, a lecture ngaithla tur hian a subject la lote pawh a class-ah an thu thup thin a ni. Kum 2004 atangin Pachhunga University College Principal hna thawkin nikum khan a pension a ni.
Kum 1998 Lok Sabha MP thlanah khan Citizen's Common Front candidate niin Dr H Lallungmuana hian a khingpui amah hnaih bertu Congress candidate J Lalsangzual chu vote 41-in a hneh a. He inthlanah hian Independent candidate Dr H Lallungmuana hian vote 1,06,552 a hmu a, amah hnaih bertu J Lalsangzuala hian vote 1,06,511 a hmu a, MNF candidate Dr R Lalthangliana chuan vote 82,047 a hmu thung.
Lok Sabha MP a nih lai hian Member, Committee on Energy and its Sub-Committee-I on Power Member, Consultative Committee, Ministry of Home Affairs atante ruat a lo ni a. Rei lo te MP a nih chhung khan Parliament ah thu a sawi thei a, Mizo hnam leh India ram Kristiante aiawhtu ni a a inngaih tlat avangin Mizoram harsatna a sawi chhuak a ni. Prime Minister pawh hmuni Kristian tihduhdah tuarte thlavang a hauh ngam bawk. Lehkhabu ziak mi niin, "Ram leh I Tan Chauh," tih a ziak chuan kum 1995 MAL Book of the Year a dawn phah nghe nghe.
Tun tum Lok Sabha M.P. inthlan lo awm turah hian tualto party hrang hrang - MNF, MPC leh MDF candidate intawm a ni a. Tualto party lian dang ZNP chu MP inthlanah hian hai mahse an hruaitute leh an mi leh sate chuan Pu Lungmuana hi puih an tum thu an sawi.
Thiamna lamah chuan MA Ph.D a ni a, St Anthony’s College, Shillong leh North- Eastern Hill University, Shillong (Meghalaya), Gauhati University, Gauhati (Assam)-ahte a lo zir tawh thin a, political leh social worker a ni a, a lawina Salem veng Presbyterian Kohhran Upa a ni bawk.
Mizoram Civil Service (MCS) ah a inziak tling a, mahse a zawm ta lo a, ama tuina ber zirtirtu hna tlangin kum 1974 atangin Pachhunga University College-ah lecturer hna a zawm ta zawk a. Pu Muana hi zirtirtu hlawhtling tak a ni a, Pachhunga University College zirlai zawng zawngin an hmelhriat leh an ngainat a ni a, a lecture ngaithla tur hian a subject la lote pawh a class-ah an thu thup thin a ni. Kum 2004 atangin Pachhunga University College Principal hna thawkin nikum khan a pension a ni.
Kum 1998 Lok Sabha MP thlanah khan Citizen's Common Front candidate niin Dr H Lallungmuana hian a khingpui amah hnaih bertu Congress candidate J Lalsangzual chu vote 41-in a hneh a. He inthlanah hian Independent candidate Dr H Lallungmuana hian vote 1,06,552 a hmu a, amah hnaih bertu J Lalsangzuala hian vote 1,06,511 a hmu a, MNF candidate Dr R Lalthangliana chuan vote 82,047 a hmu thung.
Lok Sabha MP a nih lai hian Member, Committee on Energy and its Sub-Committee-I on Power Member, Consultative Committee, Ministry of Home Affairs atante ruat a lo ni a. Rei lo te MP a nih chhung khan Parliament ah thu a sawi thei a, Mizo hnam leh India ram Kristiante aiawhtu ni a a inngaih tlat avangin Mizoram harsatna a sawi chhuak a ni. Prime Minister pawh hmuni Kristian tihduhdah tuarte thlavang a hauh ngam bawk. Lehkhabu ziak mi niin, "Ram leh I Tan Chauh," tih a ziak chuan kum 1995 MAL Book of the Year a dawn phah nghe nghe.
Tun tum Lok Sabha M.P. inthlan lo awm turah hian tualto party hrang hrang - MNF, MPC leh MDF candidate intawm a ni a. Tualto party lian dang ZNP chu MP inthlanah hian hai mahse an hruaitute leh an mi leh sate chuan Pu Lungmuana hi puih an tum thu an sawi.
No comments:
Post a Comment